'A Margherita

A quando sta 'o benessere
'a gente pensa a spennere
e mo' pure o' chiù povero
'o siente 'e cumannà

Voglio una pizza a vongole
chiena 'e funghette e cozzeche
con gamberetti e ostriche
d'o mare 'e sta città

Al centro poi ce voglio
n'uovo datto alla cocca
e co liquore stik
l'avita annaffià

Quando sentenno st'ordine
ce venne cca'na stizza
pensano ma sti pizze,
songo papoccie o che.

Ca se rispetta ìa regola
facenno 'a vera pizza
chella ch'è nata a Napule
quasi ciennt'anne fa.

Chesta ricetta antica
si chiamma Margherita
ca quanno è fatta a arte
po ghi nant'a nu re.

Perciò nun e cercate
sti pizze complicate
ca fanno male 'a sacca
e 'o stommaco pati.

G.Esposito